منگل 23 ستمبر 2025 
ترکیے کے صدر رجب طیب اردوان نے کہا ہے کہ امریکا سے ایف 35 طیاروں پر مذاکرات کریں گے توقع ہے امریکا ایف 35 اور ایف 16 کی فراہمی سےمتعلق مثبت کردار ادا کرے گا۔
امریکی ٹی وی فوکس نیوز کو دیے گئے انٹرویو میں انہوں نے کہا کہ امریکی صدر ٹرمپ کہتے ہیں یوکرین اور غزہ جنگیں ختم کریں گے تو کیا یوکرین اور غزہ جنگیں ختم ہو گئیں؟
طیب اردوان نے کہا کہ غزہ میں قتل عام بند نہ ہوا تو حالات مزید بگڑیں گے اسرائیلی جارحیت عالمی ضمیر کیلئے لمحہ فکریہ ہے فلسطینی ریاست کا قیام امن کیلئے ناگزیر ہو چکا ہے۔
ان کا کہنا تھا کہ غزہ کے عوام کے ساتھ کھڑے ہیں امریکا کو قیام امن میں فعال کردار ادا کرنا ہو گا، انسانی حقوق کی پامالی پر عالمی خاموشی ناقابل قبول ہے اقوا م متحدہ کو فعال اور مؤثر ادارہ بنانا وقت کی اہم ضرورت ہے، مغربی دنیا کاد ہرا معیار دنیا کو تقسیم کر رہا ہے۔
ترک صدر نے کہا کہ ہم ثالثی کیلئے تیار ہیں مگر عالمی برادری کو سنجیدہ ہونا ہو گا اسلامی ممالک متحدہوں تو مسائل کا حل ممکن ہے غزہ کی تباہی پر تُرک عوام غم و غصے میں ہیں۔
