امن کیلئے تیار ہیں، سفارتکاری کا راستہ اپنانا ہوگا: یوکرینی صدر

کیف(نیوز ڈیسک) یوکرینی صدر ولودومیر زیلنسکی نے امن کے قیام کیلئے آمادگی ظاہر کرتے ہوئے کہا ہے کہ امن کیلئے سفارتکاری کا راستہ اپنانا ہوگا۔
یوکرینی صدر ولودومیر زیلنسکی نے ویڈیو بیان میں کہا کہ ہم امن کیلئے تیار ہیں، یوکرین امن کی راہ میں کبھی رکاوٹ نہیں بنا، یوکرین نے ہمیشہ امن کی حمایت کی ہے۔

یوکرینی صدر نے قیامِ امن کی کوششوں کے حوالے سے بتایا کہ ان کی امریکا کے ساتھ سفارتی کوششوں پر بات چیت ہوئی ہے، جبکہ نیٹو کے سیکرٹری جنرل سے بھی ان کا ٹیلی فونک رابطہ ہوا ہے۔