اب ہمارا احتجاج یک نکاتی ایجنڈے تک محدود نہیں، شاندانہ گلزار

پشاور،پاکستان تحریک انصاف کی رہنما شاندانہ گلزار(shandana gulzar) نے کہا ہے کہ وزیراعلیٰ سہیل آفریدی کے خلاف پروپیگنڈا کیا گیا، انہیں منشیات فروش تک کہا گیا۔

پریس کانفرنس کرتے ہوئے شاندانہ گلزار نے کہا کہ مشکلات کے باوجود سہیل آفریدی اچھے طریقے سے حکومت چلا رہے ہیں، 18ویں ترمیم کے ہوتے ہوئے صوبے میں گیس اور بجلی نہیں ہے۔

شاندانہ گلزار نے کہا کہ پی ٹی آئی کی 3 سالہ حکومت میں کوئی ڈرون حملہ نہیں ہوا تھا، ہم آئین کو ماننے والے لوگ ہیں، آئین کے خلاف کوئی کام نہیں کریں گے۔

انہوں نے مزید کہا کہ بانی پی ٹی آئی نے محمود اچکزئی اور علامہ ناصر عباس کو ذمے داری دی ہے، تحریک تحفظ آئین پاکستان اور پی ٹی آئی نے متفقہ فیصلہ کیا ہے کہ ہر ہفتے احتجاج کیا جائے گا جبکہ آج شام پانچ بجے سے پُرامن احتجاج کا آغاز ہوگا۔

مزید پڑھیں:عالمی معیشت کو نئے خطرات، آئی آئی ایف کی ہولناک وارننگ جاری

شاندانہ گلزار نے کہا کہ بانی پی ٹی آئی کے لیے احتجاج جاری رکھا جائے گا، اب احتجاج صرف ایک ایجنڈے تک محدود نہیں رہے گا بلکہ مختلف عوامی مسائل پر بھی آواز اٹھائی جائے گی۔