وزیراعظم شہباز شریف سعودی عرب کے دورے پر روانہ

امریکی صدر سے ملاقات اور جنرل اسمبلی اجلاس سے خطاب بھی متوقع

اسلام آباد: وزیراعظم شہباز شریف سعودی عرب کے دورے پر روانہ ہو گئے۔ اپنے دورے کے دوران وہ سعودی ولی عہد شہزادہ محمد بن سلمان سے ملاقات کریں گے۔

ذرائع کے مطابق وزیراعظم شہباز شریف دورۂ سعودی عرب مکمل کرنے کے بعد برطانیہ روانہ ہوں گے، جہاں وہ مختلف ملاقاتوں کے بعد اقوام متحدہ کی جنرل اسمبلی کے اجلاس میں شرکت کریں گے۔ وزیراعظم 26 ستمبر کو جنرل اسمبلی کے اجلاس سے خطاب کریں گے۔

اس موقع پر وزیراعظم شہباز شریف کی امریکی صدر جو بائیڈن سے ملاقات کا بھی امکان ہے۔ علاوہ ازیں، فلسطین کے دو ریاستی حل سے متعلق سربراہ کانفرنس میں ان کی شرکت بھی متوقع ہے۔