جمعرات 18 جون 2026 
غیر ملکی سموں اور غیر رجسٹرڈ سم کارڈز کے استعمال سے متعلق پی ٹی اے (PTA) نے شہریوں کو سخت انتباہ جاری کیا ہے اور کہا ہے کہ ایسی سموں کا استعمال نہ صرف غیر قانونی ہے بلکہ یہ سنگین سیکیورٹی، مالی اور قانونی خطرات کا باعث بھی بن سکتا ہے۔
پی ٹی اے کے مطابق غیر ملکی یا غیر رجسٹرڈ سموں سے کی جانے والی کالز اور پیغامات پر مقامی نگرانی اور حفاظتی نظام مکمل طور پر لاگو نہیں ہوتا جس کی وجہ سے صارفین کی ذاتی معلومات، مالی تفصیلات اور شناختی ڈیٹا خطرے میں پڑ سکتا ہے۔ ایسے نیٹ ورکس پر دھوکہ دہی، فراڈ اور شناخت کی چوری جیسے جرائم کے امکانات بھی بڑھ جاتے ہیں۔
ادارے نے واضح کیا ہے کہ غیر قانونی یا غیر منظور شدہ سمیں بعض اوقات مشکوک سرگرمیوں کے لیے استعمال ہوتی ہیں جس کی وجہ سے عام صارف بھی غیر ارادی طور پر قانونی پیچیدگیوں کا شکار ہو سکتا ہے۔ پی ٹی اے نے شہریوں کو ہدایت دی ہے کہ وہ صرف اپنے نام پر رجسٹرڈ اور مجاز دکانوں سے حاصل کردہ سمیں استعمال کریں۔
مزیدپڑھیں:سونے کی قیمتوں میں ہزاروں روپے کی کمی، جانیے فی تولہ کتنے کا ہوگیا
مزید کہا گیا ہے کہ غیر ملکی سموں کا استعمال مقامی ٹیلی کام قوانین کی خلاف ورزی ہے اور ایسے معاملات میں قانونی کارروائی بھی کی جا سکتی ہے۔
