بدھ 1 جولائی 2026 
آئی سی سی ویمن ٹی ٹوئنٹی ورلڈ کپ (ICC Women’s T20 World Cup)میں آسٹریلیا کی ٹیم آٹھویں بار فائنل میں پہنچ گئی، پہلے سیمی فائنل میں ویسٹ انڈیز کو 8 وکٹ سے ہرادیا۔
لندن میں کھیلے گئے ایونٹ کے پہلے سیمی فائنل میں ویسٹ انڈیز نے پہلے بیٹنگ کی جس نے مقررہ اوورز میں سات وکٹ پر 125رنز اسکور کئے، کپتان ہیلے میتھیوز نے 30 اور دیاندرا ڈوٹن نے 26 رنز بنائے، ایشلے گارڈنر، جارجیا ویئرہام اور سوفیا مولینکس نے دو، دو کھلاڑیوں کو آؤٹ کیا۔
مزیدپڑھیں:کراچی: اورنگی ٹاؤن میں سیاسی جماعت کا عہدیدار قتل
جواب میں آسٹریلوی ویمن نے ہدف 13 اوورز میں حاصل کرلیا، بیتھ مونی نے 61 رنز کی ناقابل شکست اننگز 8 چوکوں کی مدد سے کھیلی، اُس کے علاوہ ایشلے گارڈنر نے بھی 35 رنز ناٹ آؤٹ اسکور کئے۔
ایونٹ کا دوسرا سیمی فائنل آج انگلینڈ اور جنوبی افریقا کے درمیان کھیلا جائے گا۔
ویمن ٹی ٹوئنٹی ورلڈ کپ کے میچز جیو سوپر اور ڈیجٹل ایپ مائیکو پر براہ راست نشر ہورہے ہیں۔
