پیر 20 جولائی 2026 
ایران کے مغربی صوبے کرمانشاہ میں آج صبح زلزلے(earthquake) کے جھٹکے محسوس کئے گئے۔
یورپی زلزلہ پیما مرکز کے مطابق مغربی ایران میں 5.5 شدت کا زلزلہ ریکارڈ کیا گیا۔
ایرانی خبر رساں ایجنسی ارنا نے تہران یونیورسٹی کے ایرانی سیسمولوجیکل سینٹر کے حوالے سے بتایا کہ زلزلے کا مرکز کوزران کے قریب واقع تھا، جبکہ اس کی گہرائی 8 کلو میٹر (5 میل) ریکارڈ کی گئی۔
زلزلہ مقامی وقت کے مطابق صبح 7 بج کر 13 منٹ پر آیا۔
زلزلے کا مرکز کوزران سے 17 کلو میٹر جبکہ صوبائی دارالحکومت کرمانشاہ سے تقریباً 65 کلو میٹر کے فاصلے پر واقع تھا۔
تاحال زلزلے کے نتیجے میں کسی جانی یا مالی نقصان کی کوئی اطلاع سامنے نہیں آئی۔
