پیر 27 جولائی 2026 
تاروبا: پاکستان اور ویسٹ انڈیز کے درمیان کھیلے جا رہے پہلے ٹیسٹ میچ میں میزبان ٹیم نے پاکستان کے خلاف اہم برتری حاصل کر لی ہے۔
تاروبا ٹیسٹ کے تیسرے دن پاکستان کی ٹیم اپنی پہلی اننگز میں 282 رنز بنا کر آل آؤٹ ہو گئی تھی، جس کے جواب میں ویسٹ انڈیز نے شاندار بیٹنگ کا مظاہرہ کرتے ہوئے اپنی پہلی اننگز میں 311 رنز بنائے اور پاکستان کے خلاف 29 رنز کی برتری حاصل کی۔
میچ کے تیسرے دن کے دوسرے سیشن میں ویسٹ انڈیز نے اپنی دوسری اننگز کا آغاز کیا، تاہم پاکستانی بولرز نے ابتدائی کامیابیاں حاصل کرتے ہوئے میزبان ٹیم کی 2 وکٹیں گرا دیں۔
مزید پڑھیں:کرکٹ ٹیم ویسٹ انڈیز پہنچ گئی، آج آرام، کل سے پریکٹس سیشن آغاز ہوگا
ویسٹ انڈیز نے دوسری اننگز میں 7.1 اوورز کے اختتام تک 2 وکٹوں کے نقصان پر 11 رنز بنا لیے تھے، جس کے بعد مجموعی طور پر پاکستان کے خلاف ویسٹ انڈیز کی برتری 40 رنز تک پہنچ گئی۔
پاکستانی ٹیم کی کوشش ہے کہ ویسٹ انڈیز کو کم سے کم ہدف تک محدود رکھا جائے تاکہ میچ میں واپسی کا موقع برقرار رہے، جبکہ میزبان ٹیم اپنی برتری کو مزید مستحکم کرنے کی کوشش کر رہی ہے۔
تاروبا ٹیسٹ میں دونوں ٹیموں کے درمیان دلچسپ مقابلہ جاری ہے اور میچ کے نتائج کا انحصار آئندہ سیشنز میں بیٹنگ اور بولنگ کی کارکردگی پر ہوگا۔
