ہفتہ 1 اگست 2026 
پاکستان نے دوسرے ہاکی ٹیسٹ میں جنوبی کوریا کو شکست دے کر سیریز میں 0 2 کی برتری حاصل کر لی
پاکستان نے چار میچوں پر مشتمل ہاکی ٹیسٹ سیریز کے دوسرے میچ میں جنوبی کوریا کو 1 کے مقابلے میں 3 گول سے شکست دے کر سیریز میں 2-0 کی فیصلہ کن برتری حاصل کر لی۔
میچ کا پہلا کوارٹر بغیر کسی گول کے برابر رہا، جبکہ جنوبی کوریا نے دوسرے کوارٹر میں پہلا گول کرکے برتری حاصل کی۔پاکستان کی جانب سے عبدالرحمن نے تیسرے کوارٹر میں شاندار گول کرکے مقابلہ برابر کر دیا۔ چوتھے کوارٹر میں ابوبکر نے مسلسل دو گول اسکور کرکے پاکستان کو 1-3 کی فتح دلا دی۔
مزید پڑھیں:سام سنگ کی متوقع فلیگ شپ ڈیوائس سے متعلق حیران کن لیکس
پاکستان کی جانب سے ابوبکر نے دو جبکہ عبدالرحمن نے ایک گول اسکور کیا۔میچ اسٹیڈیم میں صدر پاکستان ہاکی فیڈریشن محی الدین وانی اور گورنر خیبرپختونخوا فیصل کریم کنڈی نے بھی دیکھا۔چار میچوں پر مشتمل سیریز کا تیسرا ٹیسٹ میچ 4 اگست کو کھیلا جائے گا، جہاں پاکستان کو سیریز اپنے نام کرنے کا موقع ملے گا۔
