ای سی سی اجلاس، پی آئی اے کیلئے حکومتی گارنٹی اور ریکوڈک کی سیکیورٹی کیلئے گرانٹ منظور

وفاقی کابینہ کی اقتصادی رابطہ کمیٹی کے اجلاس میں روزویلٹ ہوٹل کی دوبارہ تعمیر کیلئے یونین سے مذاکرات سے متعلق کمیٹی قائم کرنے کی منظوری دیدی گئی جبکہ پی آئی اے کیلئے 15 کروڑ 38 لاکھ 55 ہزار ڈالر کی حکومتی گارنٹی بھی منظور کر لی گئی ۔

تفصیلات کے مطابق ای سی سی کے اجلاس میں کراچی کے-فور منصوبے کیلئے7 ارب 79 کروڑ 71 لاکھ 60 ہزار روپے کی اضافی گرانٹ منظور کر لی گئی ، کے-فور منصوبے کی رقم سندھ حکومت نے وفاقی حکومت کو منتقل کی تھی۔

ریکوڈک منصوبے کی سیکیورٹی کیلئےایف سی بلوچستان کو56 کروڑ 70 لاکھ روپے گرانٹ منظور کر لی گئی ، ایف سی بلوچستان کو گرانٹ وزارت خزانہ کی بچت سے دی جائے گی،

ای سی سی نے درآمدی گندم کے بروقت استعمال کیلئے پاسکو کی تجویز کی منظوری دیدی ہے ، پاسکوکا گندم اسٹاک 85 فیصد مقامی، 15 فیصد درآمدی گندم پر مشتمل ہو گا۔

اجلاس میں غیر ملکی سپلائرز کے اکاؤنٹ پر پیٹرولیم مصنوعات درآمد کرنے کی اجازت دیدی گئی ، پیٹرولیم مصنوعات کی درآمد کیلئے کسٹمز بانڈڈ سٹوریج سہولت استعمال کی جائےگی۔

اقتصادی رابطہ کمیٹی نے پاکستان اورعمان کےدرمیان توانائی تعاون کیلئے سیل پرچیز معاہدے کی منظوری بھی دیدی، اوکیو ٹریڈنگ اور پی ایس او کے درمیان توانائی کے شعبے میں تعاون بڑھے گا۔

ای سی سی اجلاس، پی آئی اے کیلئے حکومتی گارنٹی اور ریکوڈک کی سیکیورٹی کیلئے گرانٹ منظور

مزید خبریں

تازہ ترین