ایپل نے پاکستان میں پہلی بار گورنمنٹ افیئرز کیلئے اپنا نمائندہ تعینات کردیا

ٹیکنالوجی کمپنی ایپل نے سلمان ڈار کو پاکستان میں اپنے گورنمنٹ افیئرز کے سربراہ کے طور پر کو مقرر کر دیا ہے۔سلمان ڈار نے لنکڈ اِن پر اپنی نئی ذمہ داری سے متعلق اعلان بھی کردیا۔

سلمان ڈار نے لنکڈ اِن پر اپنی نئی ذمہ داری کا اعلان کرتے ہوئے بتایا کہ وہ پاکستان میں ایپل کے گورنمنٹ افیئرز سے متعلق معاملات کی قیادت کریں گے اور ریگولیٹری اداروں، پالیسی سازوں اور دیگر اہم اسٹیک ہولڈرز کے ساتھ کمپنی کے روابط کو سپورٹ کریں گے۔

یہ تقرری ایسے وقت میں سامنے آئی ہے جب حکومت پاکستان بڑی عالمی ٹیکنالوجی کمپنیوں کو ملک میں موبائل فونز اور دیگر ڈیوائسز کی مقامی مینوفیکچرنگ اور اسمبلی کے لیے راغب کرنے کی کوششیں کر رہی ہے۔

مزید پڑھیں:نہم امتحانات کے بدترین نتائج، سرکاری سکولز کیخلاف کارروائی کا فیصلہ

حکومت کی جانب سے ایپل کو پاکستان میں آئی فون کی مقامی پیداوار شروع کرنے پر آمادہ کرنے کے لیے بھی اقدامات کیے جا رہے ہیں۔ اس مقصد کے لیے ریگولیٹری ماحول کو بہتر بنانے اور سرمایہ کاری کی راہ میں حائل رکاوٹیں دور کرنے پر توجہ دی جا رہی ہے۔