منگل 15 ستمبر 2026 
امریکا میں ایک عمر رسیدہ جوڑے کو ان کی غلطی نے ایک لاکھ سے زائد مالیت کا انعام جتوا دیا۔
ریست مشی گن کے ایک 78 سالہ جوڑے کے لیے ایک غلطی غیر متوقع طور پر خوش قسمتی ثابت ہوگئی جب شوہر نے غلطی سے اپنی بیوی کا لاٹری ٹکٹ دوبارہ کھیل دیا اور اس ٹکٹ پر 1 لاکھ 36 ہزار 660 ڈالر جیت لیے۔
واشٹینا کاؤنٹی سے تعلق رکھنے خاتون نے بتایا کہ وہ اور ان کے شوہر ایک ری یونین کے سلسلے میں ریسٹورنٹ گئے تھے، جہاں دونوں نے الگ الگ ٹکٹ خریدے۔
ری یونین کے بعد جب وہ ایک اور بار پہنچے تو شوہر نے غلطی سے اپنا ٹکٹ دوبارہ کھیلنے کے بجائے اپنی اہلیہ کا ٹکٹ ہی ری پلے کر دیا۔
خاتون کے مطابق اس ٹکٹ پر 07، 16، 19، 23، 25، 46، 55، 68 اور 74 تھے۔ حیرت انگیز طور پر یہ تمام نو نمبر ڈرا نمبر 2634271 میں آنے والے 20 نمبروں میں شامل تھے جس کے نتیجے میں جوڑے نے 1 لاکھ 36 ہزار 660 ڈالرز کا انعام جیت لیا۔
خاتون نے کہا کہ کچھ ہی دیر بعد اسکرین پر اپنے تمام نمبرز دیکھ کر انہیں اپنی جیت کا علم ہوا۔
مزید پڑھیں:لیجنڈری اداکار امیتابھ بچن نے ریٹائرمنٹ کی خبروں کی تردید کردی
انہوں نے کہا کہ انعام جیتنا اتنا غیر متوقع تھا کہ الفاظ میں بیان کرنا مشکل ہے لیکن یہ ناقابلِ یقین بھی ہے۔ یہ رقم جوڑے مالی طور پر سکون کا سانس لینے میں مدد دے گی۔
