جمعرات 24 ستمبر 2026 
وزیر قانون خیبرپختونخوا آفتاب عالم کے مطابق پولیس براہ راست حکومت کوجواب دہ ہوگی ۔ گریڈ 18 سے اوپر کے افسران کے تقرری و تبادلے کا اختیار وزیراعلیٰ کے پاس ہوگا، گریڈ18تک کے تقرروتبادلے کا اختیار آئی جی کو ہوگا۔
پولیس پالیسی بورڈ کی سربراہی بھی وزیراعلیٰ کے پاس ہوگی، آئی جی آزادانہ طریقے سے اپنے اختیارات استعمال کرسکے گا، آئی جی،5سینئرافسران پولیس پالیسی بورڈ کے ممبران ہوں گے، نیاآپریشنل بورڈبنے گا،آئی جی سربراہ ہوں گے۔
مجوزہ پولیس ایکٹ2026میں ڈی آرسیز کو برقرار رکھنے کا فیصلہ کیا گیا، حکومت نےمجوزہ پولیس ایکٹ میں ڈی آرسیزکوختم کرنےکی تجویزدی تھی۔ پولیس پالیسی بورڈ کی صدارت کے اختیارات آئی جی سے وزیراعلیٰ کو منتقل کرنے کی منظوری دے دی گئی ہے۔
مزید پڑھیں:انگلش کاؤنٹی کرکٹر رابن داس کیخلاف زیادتی کے مقدمات، 9 اکتوبر کو عدالت طلب
آفتاب عالم کے مطابق پبلک سیفٹی کمیشن کو مضبوط کیاگیا ہے، جو پولیس کےاختیارات کے تجاوز کے معاملے میں شکایات سنےگا، پولیس کمپلینٹ اتھارٹی کو مضبوط اور فعال کیا گیا ہے، پولیس کی محکمانہ اور آپریشنل خود مختاری بحال رکھی گئی ہے۔
