چین کی سابق نائب وزیراعظم لیو یان ڈونگ انتقال کر گئیں

چین کی سرکاری خبر رساں ایجنسی شنہوا کے مطابق سابق نائب وزیراعظم اور ملک کے طاقتور سیاسی ادارے پولٹ بیورو کی سابق رکن لیو یان ڈونگ(Liu Yandong) بدھ کے روز بیجنگ میں انتقال کر گئیں۔

لیو یان ڈونگ کی عمر 80 برس تھی۔ انہیں چین کی مردوں کے غلبے والی سیاسی قیادت میں اپنے دور کے بیشتر عرصے کے دوران سب سے نمایاں اور اعلیٰ ترین عہدے پر فائز خاتون عہدیدار سمجھا جاتا تھا۔

مزیدپڑھیں:حساس امریکی ادارے کے 40 ہزار سے زائد ملازمین کا ڈیٹا لیک

وہ عوامی جمہوریہ چین کے 1949 میں قیام کے بعد پولٹ بیورو کی مکمل رکن بننے والی چند خواتین میں سے ایک تھیں۔ پولٹ بیورو کے موجودہ 21 ارکان میں کوئی خاتون شامل نہیں ہے۔