جمعرات 12 نومبر 2026 
راولپنڈی ٹیسٹ کے چوتھے روز ثاقب خان(Saqib Khan) نے تباہ کن بولنگ کرتے ہوئے سری لنکا کو بڑی برتری حاصل کرنے سے روک دیا۔
سری لنکا نے 404 رنز 4 کھلاڑی آؤٹ پر اننگز کا آغاز کیا تو پہلے ہی اوور میں دھننجیا ڈی سلوا گزشتہ روز کے اسکور میں بغیر کسی اضافے کے ثاقب خان کی گیند پر آؤٹ ہوگئے۔
A perfect start to Day 4! 🇵🇰
Saqib Khan dismisses Dhananjaya de Silva for 167.#PAKvSL | #CricketKaJashan pic.twitter.com/okVHltMMMm
— Pakistan Cricket (@TheRealPCB) November 12, 2026
انہوں نے گزشتہ روز 167 رنز کی شاندار اننگز کھیل کر پاکستان ٹیم کو مشکلات سے دوچار کیا تھا اور میچ پر پاکستان ٹیم کی گرفت کمزور کردی تھی۔
مزیدپڑھیں:غزہ کے اسپتال پر اسرائیلی حملہ، سرجن سمیت 6 افراد جاں بحق
دھننجیا ڈی سلوا (167) نے کپتان کوشال مینڈس کے ساتھ ذمہ دارانہ بیٹنگ کرتے ہوئے 249 رنز کی شراکت قائم کی۔
تیسرے روز کے اختتام پر 117 رنز بناکر ناٹ آؤٹ رہنے والے کوشال مینڈس بھی آج صبح صرف دو رنز بنا کر ثاقب خان کا شکار بن گئے۔
Dropped… but strike in the same over! 👀
A missed chance at first slip but Saqib Khan gets Kusal Mendis in the very same over!#PAKvSL | #CricketKaJashan pic.twitter.com/hYR2woJ1y8
— Pakistan Cricket (@TheRealPCB) November 12, 2026
بعد ازاں ثاقب خان نے سونل دینوشا (20)، لاہیرو کمارا (صفر) اور اسیتھا فرنانڈو (4) کو پویلین واپس بھیجا اور ٹیسٹ ڈیبیو پر ایک اننگز میں 7 وکٹیں حاصل کرنے والے چوتھے پاکستانی بولر بن گئے۔ اس سے قبل محمد زاہد، محمد نذیر اور ابرار احمد یہ کارنامہ انجام دے چکے ہیں۔
Seven wickets and counting!
Saqib gets his man as Asitha Fernando edges behind.#PAKvSL | #CricketKaJashan pic.twitter.com/7ngLA31VQY
— Pakistan Cricket (@TheRealPCB) November 12, 2026
A Test debut etched in brilliance! 🔥
Saqib Khan delivers a sensational 7-130 scripting a dream debut with a performance to remember at Rawalpindi! #PAKvSL | #CricketKaJashan pic.twitter.com/1uonhAmwnb
— Pakistan Cricket (@TheRealPCB) November 12, 2026
سری لنکن ٹیم اپنے گزشتہ اسکور میں صرف 42 رنز کا اضافہ کرسکی اور اس دوران 6 وکٹیں گنوا دیں تاہم اسے 12 رنز کی برتری حاصل ہوگئی۔
ثاقب خان کے علاوہ محمد عباس نے 2 اور رضا اللہ نے ایک وکٹ حاصل کی۔
یاد رہے کہ پاکستان نے اپنی پہلی اننگز 434 رنز 9 کھلاڑی آؤٹ پر ڈکلیئر کی تھی۔ سعود شکیل (93)، طیب عارف (57)، عرفات منہاس (52)، محمد طحہٰ (51) اور کپتان بابر اعظم (50) نے نصف سنچریز اسکور کیں۔
سری لنکا کی جانب سے اسیتھا فرنانڈو اور دلشان مدوشنکا 3، 3 وکٹیں حاصل کرکے نمایاں رہے۔
