بدھ 3 دسمبر 2025 
اسلام آباد(نیوزڈیسک) سونے کی قیمتیں مسلسل کم ہونے لگیں، آج فی تولہ قیمت میں ایک ہزار روپے کی کمی دیکھی گئی۔
آل پاکستان صرافہ جیمز اینڈ جیولری ایسوسی ایشن کے مطابق ایک ہزار روپے کی کمی کے بعد ملک میں فی تولہ سونا 4 لاکھ 43 ہزار 162 روپے ہوگیا۔
اسی طرح 10 گرام سونے کا بھاؤ 858 روپے کم ہو کر 3 لاکھ 79 ہزار 939 روپے ہے۔
عالمی بازار میں سونے کے بھاؤ کے ہچکولے، پاکستان میں بھی قیمت میں کمی
دوسری جانب عالمی بازار میں سونے کا بھاؤ 10 ڈالر کمی سے 4 ہزار 208 ڈالر فی اونس ہے۔
یاد رہے کہ گزشتہ روز بھی سونے کی فی تولہ قیمت میں 2700 روپے کمی ریکارد کی گئی تھی۔
