منگل 30 دسمبر 2025 
اسلام آباد:(نیوزڈیسک) پاکستان اور تاجکستان کے درمیان تجارتی توسیع میں اہم پیش رفت سامنے آئی ہے، جس کے تحت پاکستان تاجکستان کو ایک لاکھ 43 ہزار ٹن حلال میٹ برآمد کرے گا، جس کی مجموعی مالیت 14.5 ملین ڈالر ہے۔
ایس آئی ایف سی کی مؤثر حکمتِ عملی کے باعث پاکستان کا لائیوسٹاک سیکٹر نئے ترقیاتی مرحلے میں داخل ہو گیا ہے۔حکام کے مطابق تجارتی سہولیات میں بہتری سے دو طرفہ تجارت کو 300 ملین ڈالر تک وسعت دی جا سکے گی، جس سے علاقائی اقتصادی ہم آہنگی کو فروغ ملے گا۔
پاکستان اور تاجکستان کے درمیان براہِ راست پروازوں، کاروباری روابط اور سیاحتی تبادلوں کی اہمیت پر بھی زور دیا گیا ہے۔ ایس آئی ایف سی کی سہولت کاری سے پاکستان کو وسطی ایشیا میں تجارت، سرمایہ کاری اور عوامی روابط میں نئی جہت حاصل ہو رہی ہے۔
