بلیو اکانومی معاشی ترقی میں کلیدی کردار ادا کر سکتی ہے، احسن اقبال

اسلام آباد:(نیوزڈیسک)وفاقی وزیر منصوبہ بندی پروفیسر احسن اقبال نے کہا ہے کہ گوادر اور کراچی پورٹس کو مرکزی ایشیا کے ساتھ تجارتی روابط کے لیے ترقی دی جا رہی ہے،بلیو اکانومی پاکستان کی معاشی ترقی میں کلیدی کردار ادا کر سکتی ہے۔

بلیو اکانومی پر اسلام آباد میں منعقدہ اجلاس سے خطاب کرتے ہوئے انہوں نے کہا کہ ضرورت اس امر کی ہے کہ ماہی گیری کیساتھ فشریز کی پروسیسنگ، برانڈنگ اور مارکیٹنگ پر بھی توجہ دی جائے۔احسن اقبال نے کہا کہ بلوچستان کے سمندری علاقے ملک کی معیشت میں فیصلہ کن کردار ادا کر سکتے ہیں۔

انہوں نے کہا کہ سیاحت کے شعبے میں بلیو اکانومی کے امکانات پر بھی کام کیا جا رہا ہے اور اس مقصد کے لیے اڑان پاکستان کے تحت بلیو اکانومی کو قومی ترقی کا اسٹریٹجک ستون بنایا گیا ہے۔