یکم اکتوبر سے پٹرولیم مصنوعات کی قیمتوں میں اضافے کا امکان

اسلام آباد (نیوز ڈیسک)یکم اکتوبر سے پٹرولیم مصنوعات کی قیمتوں میں اضافے کا امکان، پٹرول کی قیمت میں فی لیٹر 1.97روپے اور ایچ ایس ڈی کی قیمت میں فی لیٹر 2.48روپے تک اضافے کا امکان۔ تفصیلات کے مطابق پاکستان میں یکم اکتوبر 2025سے اگلے پندرہ دنوں کے لیے پٹرولیم مصنوعات کی قیمتوں میں فی لیٹر 1.76 روپے سے 4.65روپے تک اضافہ متوقع ہے، جس کی بنیادی وجہ بین الاقوامی خام تیل کی قیمتوں میں اتار چڑھاؤ اور مسلسل جیوپولیٹیکل کشیدگیاں ہیں۔ سرکاری ذرائع کے مطابق، پٹرول (موٹر اسپرٹ) کی قیمت میں فی لیٹر 1.97 روپے کا اضافہ متوقع ہے، جبکہ ہائی سپیڈ ڈیزل کی قیمت میں فی لیٹر 2.48 روپے تک اضافہ ہو سکتا ہے۔