وزیراعظم کی گوبل صمود فلوٹیلا پر اسرائیلی حملے کی شدید مذمت

وزیراعظم شہباز شریف کی گوبل صمود فلوٹیلا پر اسرائیلی فوج کے حملے کی شدید الفاظ میں مذمت ،، اپنے سوشل میڈیا پرجاری پیغام میں کہا کہ اس فلوٹیلا میں چوالیس ممالک کے چارسو پچاس سے زائد امدادی کارکن سوار تھے جنہیں اسرائیلی فوج نے غیرقانونی طور پر حراست میں لے لیا ہے،، وزیراعظم کا کہنا تھاکہ ان افراد کا واحد جرم یہ تھا کہ وہ بےبس اور مظلوم فلسطینی عوام کے لیے امداد لے کر جا رہے تھے ،،، انہوں نے ان تمام کارکنان کی فوری رہائی اور فلسطینیوں تک امداد کی بلا تعطل ترسیل کا مطالبہ کیا ،، وزیراعظم نے کہا کہ یہ امداد مستحق افراد تک پہنچنی چاہیے، اسرائیلی بربریت کو فوری روکنا اور فلسطین میں پائیدار امن کے قیام کو یقینی بنانا ہی وقت کا سب سے بڑا تقاضا ہے۔