مقبوضہ کشمیر: ایران سے اظہار یکجہتی، سونا، چاندی، گاڑیاں، نقدی عطیہ

سرینگر(ویب ڈیسک)ایران پر جاری امریکی و اسرائیلی حملوں کے پیشِ نظر مقبوضہ کشمیر میں شہریوں نے ایران سے یک جہتی کا اظہار کیا۔غیر ملکی میڈیا رپورٹس کے مطابق سرینگر کے علاقے خمینی چوک پر شہریوں نے ایران سے اظہار یکجہتی کرتے ہوئے سونا، چاندی اور نقدی عطیہ کر دی۔میڈیا رپورٹس کے مطابق لوگوں نے گاڑیاں، موٹرسائیکلیں، تانبے کے برتن اور پلاٹس بھی عطیہ کیے۔

بڈگام اور دیگر مسلمان اکثریتی علاقوں میں مساجد کے باہر عطیات جمع کرنے کے لیے اسٹالز قائم کیے گئے جہاں زیورات، نقدی، تانبے کے برتن اور حتیٰ کہ مویشی بھی جمع کیے گئے۔بڈگام سے تعلق رکھنے والے ایک شخص کے مطابق مسجد امام زمان میں ہم نے خلوص نیت سے عطیات جمع کرنے کے لیے اسٹال قائم کیا ہے۔ ہماری مائیں اور بہنیں زیورات، تانبا اور نقد رقم دے رہی ہیں تاکہ ہم ایران کی موجودہ صورتحال میں مدد کر سکیں۔