جمعرات 26 مارچ 2026 
انسدادِ دہشتگردی عدالت نے پی ٹی آئی رہنماؤں کو بڑا ریلیف دیتے ہوئے 21 مئی تک انہیں گرفتار نہ کرنے کا حکم جاری کر دیا ہے۔
یہ سماعت 26 نومبر کے واقعات، سنگجانی جلسے اور سپریم کورٹ کے باہر احتجاج سے متعلق مقدمات کے سلسلے میں ہوئی۔ کیس کی کارروائی ابوالحسنات محمد ذوالقرنین نے مکمل کی۔
عدالت نے پی ٹی آئی رہنماؤں کی 230 سے زائد ضمانت قبل از گرفتاری کی درخواستوں میں توسیع کرتے ہوئے واضح کیا کہ آئندہ سماعت تک انہیں گرفتار نہیں کیا جائے گا۔ ساتھ ہی فریقین کو ہدایت دی گئی ہے کہ اگلی پیشی پر حتمی دلائل دیے جائیں۔
سماعت کے دوران عمیر نیازی، رؤف حسن اور اعظم سواتی سمیت دیگر رہنما عدالت میں پیش ہوئے۔
یاد رہے کہ ان رہنماؤں کے خلاف ترنول، رمنا، آبپارہ اور سیکرٹریٹ تھانوں سمیت مختلف مقامات پر متعدد مقدمات درج ہیں۔
