روس ایران کو ڈرونز اور انٹیلیجنس مدد فراہم کر رہا ہے، برطانوی اخبار کا دعویٰ

برطانوی اخبار نے دعویٰ کیا ہے کہ مغربی انٹیلیجنس کے مطابق روس ایران کو ڈرونز، طبی سازوسامان اور خوراک فراہم کر رہا ہے۔ رپورٹ کے مطابق یہ عمل مارچ سے شروع ہوا، اور روس تہران کو سیٹلائٹ امیجنگ اور انٹیلیجنس معلومات بھی فراہم کر رہا ہے۔
اخبار کے مطابق ایران نے روس سے مزید جدید فضائی دفاعی صلاحیتیں طلب کیں، مگر روس نے ایس-400 سسٹمز کے حوالے سے ایرانی درخواستیں مسترد کر دی ہیں۔
دوسری جانب کریملن نے اس دعوے کی تردید کی اور کہا کہ یہ بہت سی افواہیں ہیں، تاہم روس ایرانی قیادت کے ساتھ بات چیت جاری رکھے ہوئے ہے۔ ایک سینئر مغربی عہدیدار کا کہنا ہے کہ روس ایران کے سیاسی استحکام کو بھی مستحکم کرنے میں مدد فراہم کر رہا ہے۔
واضح رہے کہ اس سے قبل بھی روسی صدارتی دفتر نے ایران کو ڈرون ٹیکنالوجی فراہم کرنے کے دعوے کو مسترد کیا تھا، جبکہ امریکی رپورٹوں میں یہ الزام لگایا گیا تھا کہ روس ایران کے ساتھ سیٹلائٹ تصاویر اور جدید ڈرون ٹیکنالوجی شیئر کر رہا ہے۔