ہر صورتحال کیلئے تیار، جنگ بندی کیلئے پاکستانی کوششوں کو سراہتے ہیں، اسماعیل بقائی

تہران ، ترجمان ایرانی وزارت خارجہ اسماعیل بقائی کا کہنا ہے کہ جنگ بندی کیلئے پاکستان کی ثالثی(pakistani mediation) کی کوششوں کو سراہتے ہیں، ایران ہرقسم کی صورتحال سے نمٹنے کیلئے تیار ہے۔

اسماعیل بقائی نے کہا کہ ایران نے جنگ کا آغاز نہیں کیا،تمام اقدامات حق دفاع کے تحت کئے، اپنی سلامتی اور قومی مفادات کا تحفظ ہرقیمت پر کریں گے۔

دوسری جانب ترجمان ایرانی پاسداران انقلاب نے کہا کہ خطہ بیرونی طاقتوں کے بغیر ایک نئے نظام میں داخل ہو رہا ہے۔

ایرانی افواج امریکا اور اسرائیل کی جارحیت کا جواب دینے کی صلاحیت رکھتی ہیں، ایران کی بہادر اور باوقار قوم نے 50 راتوں تک افواج کے ساتھ میدان میں رہی، جو جدید تاریخ کا ایک منفرد واقعہ ہے۔

مزید پڑھیں:پی ایس ایل 11: پشاور زلمی ناقابل شکست برقرار، کراچی کنگز کو 7 وکٹس سےہرا دیا

قبل ازیں ایرانی صدر مسعود پزشکیان نے کہا کہ پاسدارانِ انقلاب کی کارروائیوں نے دشمن کے اندازوں کو غلط ثابت کیا، ایران کی مسلح افواج نے دشمن کی سازشوں کو ناکام بنا دیا ہے۔