بھارتی ایوی ایشن انڈسٹری مسلسل تنزلی کا شکار، نااہل مودی کو دنیا بھر میں رسوائی اور سبکی کا سامنا

بھارتی ایوی ایشن انڈسٹری ایک سنگین بحران سے دوچار ہے، جہاں بڑھتے ہوئے اخراجات، عالمی کشیدگی اور فضائی پابندیوں نے بڑی ایئرلائنز کو شدید مالی مشکلات میں مبتلا کر دیا ہے۔ مختلف بین الاقوامی اور بھارتی میڈیا رپورٹس کے مطابق، حالات اس نہج پر پہنچ چکے ہیں کہ کئی کمپنیوں کو اپنے آپریشنز محدود کرنے یا پروازیں منسوخ کرنے پر غور کرنا پڑ رہا ہے۔

رپورٹس کے مطابق مشرقِ وسطیٰ میں جاری کشیدگی کے باعث ایندھن کی قیمتوں میں نمایاں اضافہ ہوا ہے، جس نے بھارتی ایئرلائنز کے اخراجات میں غیر معمولی اضافہ کر دیا ہے۔ اسی طرح پاکستان کی فضائی حدود سے متعلق پابندیوں نے پروازوں کے روٹس کو طویل اور مہنگا بنا دیا ہے، جس سے مالی دباؤ مزید بڑھ گیا ہے۔

بھارتی ذرائع ابلاغ، جن میں The Hindu اور NDTV شامل ہیں، کے مطابق ایوی ایشن ٹربائن فیول کی بڑھتی قیمتوں نے Air India، IndiGo اور SpiceJet جیسی بڑی کمپنیوں کو شدید دباؤ میں ڈال دیا ہے۔ ان ایئرلائنز نے حکومت سے مطالبہ کیا ہے کہ ایندھن کی قیمتوں پر فوری نظرِ ثانی کی جائے۔

رپورٹس میں یہ بھی بتایا گیا ہے کہ جیٹ فیول کی قیمتوں میں غیر متوازن اضافہ ایئرلائنز کے لیے ناقابلِ برداشت ہو چکا ہے، جس کے باعث مالی خسارے میں مسلسل اضافہ ہو رہا ہے۔ Federation of Indian Airlines نے خبردار کیا ہے کہ اگر حکومت نے فوری مداخلت نہ کی تو کمپنیوں کو طیارے گراؤنڈ کرنے اور پروازیں منسوخ کرنے جیسے سخت اقدامات کرنا پڑ سکتے ہیں۔

مزیدپڑھیں:پاکستان کے افریقی ممالک کے ساتھ تجارتی و اقتصادی روابط میں نمایاں پیش رفت

ماہرین کے مطابق، عالمی حالات کے ساتھ ساتھ اندرونی معاشی پالیسیوں نے بھی اس بحران کو بڑھایا ہے، اور اگر بروقت اقدامات نہ کیے گئے تو بھارتی ایوی ایشن سیکٹر کو مزید مشکلات کا سامنا کرنا پڑ سکتا ہے۔