جمعرات 28 مئی 2026 
سوئی ناردرن گیس کمپنی (Sui Northern Gas Pipelines Limited – SNGPL) نے عیدالاضحیٰ (Eid-ul-Adha) کے ایام میں صارفین کیلئے گیس فراہمی کا خصوصی شیڈول جاری کر دیا ہے۔
ترجمان سوئی ناردرن (SNGPL) کے مطابق عید کے پہلے روز صبح 5 بجے سے رات 11 بجے تک گیس کی فراہمی جاری رہے گی تاکہ شہری قربانی اور کھانے پکانے کے امور آسانی سے انجام دے سکیں۔
کمپنی کے ترجمان کا کہنا ہے کہ عید کے دوسرے اور تیسرے روز بھی صارفین کو ریلیف فراہم کرنے کیلئے صبح 6 بجے سے رات 11 بجے تک گیس فراہم کی جائے گی۔
سوئی ناردرن (SNGPL) حکام کے مطابق عید کے دوران گیس پریشر کو برقرار رکھنے اور بلا تعطل فراہمی یقینی بنانے کیلئے خصوصی انتظامات کیے گئے ہیں تاکہ صارفین کو مشکلات کا سامنا نہ کرنا پڑے۔
دوسری جانب شہریوں نے عید کے موقع پر گیس فراہمی کے دورانیے میں اضافے کو خوش آئند قرار دیتے ہوئے مطالبہ کیا ہے کہ عام دنوں میں بھی گیس لوڈشیڈنگ میں کمی لائی جائے۔
