قومی اسمبلی اور سینیٹ اجلاس بلانے کی سمری ارسال کری، طارق فضل چوہدری

پارلیمانی امور کے وزیر مملکت طارق فضل چوہدری(Tariq Fazal Chaudhry) نے کہا ہے کہ قومی اسمبلی اور سینیٹ کے اجلاس بلانے کے لیے سمری متعلقہ فورمز کو ارسال کر دی گئی ہے۔

انہوں نے بتایا کہ قومی اسمبلی کا اجلاس 10 جون کو شام 5 بجے بلانے کی تجویز دی گئی ہے جبکہ سینیٹ کا اجلاس اسی روز دوپہر 4 بجے بلانے کے لیے بھی سمری بھیجی گئی ہے۔

طارق فضل چوہدری کے مطابق پارلیمانی شیڈول کے مطابق امکان ہے کہ وفاقی بجٹ 12 جون کو پیش کیا جائے گا۔ انہوں نے کہا کہ بجٹ کی تیاری اور پارلیمانی کارروائی کے لیے تمام انتظامات کو حتمی شکل دی جا رہی ہے۔

مزیدپڑھیں:جو آپ کسی اور کی بیٹی کے ساتھ کرتے ہو، وہ کل آپ کی اولاد پر آتا ہے: علیزے شاہ کا سارہ خان کو جواب

ذرائع کے مطابق حکومت کی جانب سے آئندہ مالی سال کے بجٹ سے متعلق مشاورت مکمل ہونے کے قریب ہے، جبکہ پارلیمنٹ میں اس کی پیشی کے بعد اہم مالی اور معاشی فیصلے متوقع ہیں۔