بدھ 10 جون 2026 
ملک بھر کے صرافہ بازاروں میں سونے کی قیمتوں(Gold Rates) میں بڑی کمی ریکارڈ کی گئی ہے، جس کے بعد خریداروں اور سرمایہ کاروں کے لیے سونا نمایاں طور پر سستا ہو گیا۔
تازہ اعداد و شمار کے مطابق فی تولہ سونے کی قیمت میں 12 ہزار 627 روپے کی بڑی کمی ہوئی ہے، جس کے بعد فی تولہ سونے کی نئی قیمت 4 لاکھ 42 ہزار 436 روپے مقرر ہو گئی ہے۔
اسی طرح 10 گرام سونے کی قیمت میں بھی 11 ہزار 364 روپے کی نمایاں کمی ریکارڈ کی گئی، جس کے بعد 10 گرام سونا 3 لاکھ 78 ہزار 170 روپے میں فروخت ہونے لگا ہے۔
ماہرین کے مطابق عالمی مارکیٹ میں سونے کی قیمتوں میں کمی، سرمایہ کاروں کے بدلتے رجحانات اور بین الاقوامی معاشی حالات مقامی مارکیٹ میں قیمتوں میں اتار چڑھاؤ کی اہم وجوہات ہیں۔
تجزیہ کاروں کا کہنا ہے کہ حالیہ کمی کے بعد سونے کی خریداری میں اضافہ متوقع ہے، جبکہ آئندہ دنوں میں عالمی منڈی کے رجحانات کے مطابق قیمتوں میں مزید تبدیلی کا امکان موجود ہے۔
