لندن، اداکارہ ماہرہ خان کی برطانوی بادشاہ چارلس سوم سے ملاقات، ویڈیو وائرل

پاکستان شوبز انڈسٹری کی معروف اداکارہ ماہرہ خان کی لندن میں برٹش ایشین ٹرسٹ (British asian trust)کےسالانہ عشائیے میں شرکت کے دوران شاہ چارلس سے ملاقات کی۔

برطانوی بادشاہ چارلس سوم نےلندن کےدی پیننسولا ہوٹل میں برٹش ایشین ٹرسٹ کے سالانہ عشائیے میں شرکت کی،تقریب میں شریک دیگر معروف شخصیات میں جے شان، ایمی جیکسن، ایڈ ویسٹوک، میرا سیال، سنجیو بھاسکر، تیز الیاس، کُنال نیئر، آرچی پنجابی اور پریا کلی داس شامل تھے۔

ماہرہ خان نے شاہ چارلس سے ملاقات کے بعد میڈیا سے گفتگو میں کہا شاہ چارلس کی ٹرسٹ سرگرمیوں میں شرکت اہم ہے،میری شاہ چارلس سے بہت اچھی گفتگو ہوئی، انہوں نے میرا شکریہ ادا کیا جو میں برٹش ایشین ٹرسٹ کے ساتھ کام کرتی ہوں، وہ بہت چارمنگ شخصیت ہیں۔

اداکارہ نےکہاذہنی صحت پر بات کرتے ہوئے لوگ اب بھی شرم محسوس کرتے ہیں اس لیے ہمیں دماغی امراض سےمتعلق آگاہی بڑھانے کی ضرورت ہے،ذہنی امراض بھی دیگر بیماریوں کی طرح ہیں،معاشرے میں ہراسانی اورتشددکےواقعات قابلِ مذمت ہیں،مائنڈ سیٹ تبدیل کرنااورذمےداروں کومثال بنانا ضروری ہے۔

مزید پڑھیں:پاکستان روس مزید مستحکم تعلقات کے خواہاں ہیں، صدر آصف زرداری

فلاحی تقریب میں کاروبار،سماجی خدمات،سیاست،میڈیا اورتفریحی شعبوں سے تعلق رکھنےوالی ممتاز شخصیات نے شرکت کی اور برٹش ایشین ٹرسٹ کےمشن کی حمایت کا اظہارکیا،تقریب کا مقصد برٹش ایشین ٹرسٹ کےجنوبی ایشیا میں جاری فلاحی پروگراموں کے لیے فنڈز جمع کرنا تھا۔