جمعہ 12 جون 2026 
وزیر اعظم شہباز شریف(Shehbaz Sharif) کے مشیر رانا ثنااللہ(Rana Sanaullah) نے آج پیش ہونے والے وفاقی بجٹ میں سرکاری ملازمین کی تنخواہوں میں اضافے سے متعلق بتادیا۔
رپورٹ کے مطابق آئندہ مالی سال کے بجٹ میں سرکاری ملازمین کے لیے تنخواہوں اور الاؤنسز میں اضافے کی مختلف تجاویز زیر غور ہیں۔
ذرائع کے مطابق سرکاری ملازمین کی تنخواہوں میں 10 فیصد اضافے کی تجویز دی گئی ہے، جبکہ وزارت خزانہ نے ریٹائرڈ ملازمین کی پنشن میں 7 فیصد اضافے کی سفارش بھی کی ہے۔
مزیدپڑھیں:پنجاب: ماس ٹرانزٹ کی تمام ٹرانسپورٹ پر مفت سفر کی سہولت ختم
ذرائع کا کہنا ہے کہ کنوینس الاؤنس اور میڈیکل الاؤنس میں اضافے کی تجویز بھی زیر غور ہے۔ اس کے علاوہ ملازمین کو ملنے والے ایڈہاک الاؤنسز میں سے ایک الاؤنس کو بنیادی تنخواہ میں ضم کرنے کی تجویز بھی سامنے آئی ہے۔
ذرائع کے مطابق سرکاری ملازمین کی تنخواہوں میں دو فیز میں اضافہ ہوگا، گریڈ ایک کے ملازمین میں زیادہ اضافہ ہوگا۔
ذرائع نے کہا کہ کریڈ سترہ سے بائیس تک کے ملازمین میں کم اضافہ ہوگا جب کہ وزیر اعظم شہباز شریف کے مشیر رانا ثنااللہ نے سرکاری ملازمین کی تنخواہ میں 7 سے 10 فیصد اضافہ ہوگا۔
دوسری جانب بجٹ دستاویزات پارلیمنٹ ہاؤس پہنچادی گئیں جب کہ بجٹ کچھ دیر بعد پیش کیا جائے گا۔
