سینیٹ، قومی اسمبلی قائمہ کمیٹیوں سے ہمارے استعفے تاحال منظور نہیں کیے گئے: بیرسٹر گوہر

اسلام آباد، چیئرمین تحریک انصاف بیرسٹر گوہر(barrister Gohar) کا کہنا ہے کہ سینیٹ اور قومی اسمبلی کی قائمہ کمیٹیوں سے ہم نکل چکے ہیں، ہم کمیٹیوں میں نہیں جا رہے، ابھی تک ہمارے استعفے منظور نہیں کیے گئے۔

جیو نیوز سے گفتگو کرتے ہوئے انہوں نے کہا ہے کہ تحریک انصاف کا مؤقف ہے کہ ہم عوامی مطالبات کو تسلیم کرتے ہیں، عوامی ایکشن کمیٹی کے مطالبات پر کارروائی اور عملدرآمد کیا جانا چاہیے۔

بیرسٹر گوہر کا کہنا ہے کہ 12 نشستوں کا معاملہ آئینی ہے، لہٰذا اسے آئینی طور پر حل کیا جائے، ہمارا مؤقف واضح ہے کسی طرف بھی کشیدگی نہیں ہونی چاہیے۔

مزید پڑھیں:سندھ، خسرہ وباء بے قابو، 53 بچے جاں بحق، مزید 2ہزار سے زائد کیسز رپورٹ

چیئرمین پی ٹی آئی نے کہا ہے کہ زرقا بی بی نے بڑی مشکلات دیکھیں اس معاملے کو دیکھ لوں گا، مجھے اُمید ہے وہ پارٹی کے خلاف کبھی نہیں جائیں گی۔