جمعرات 16 جولائی 2026 
ورلڈ کپ سیمی فائنل میں ارجنٹائن کے ہاتھوں آخری لمحات میں دو گول کھا کر شکست پر انگلش کپتان ہیری کین(Harry kane) شدید مایوس دکھائی دیے۔
میچ میں انتھونی گورڈن کے 55 ویں منٹ میں کیے گئے گول کی بدولت انگلینڈ نے برتری حاصل کی، لیکن ارجنٹائن کے پے در پے حملوں نے ان پر شدید دباؤ ڈال دیا۔ اینزو فرنانڈیز نے مقابلہ برابر کیا جبکہ لوٹارو مارٹنیز نے اضافی وقت میں فیصلہ کن گول کرکے ارجنٹائن کو 2-1 سے فتح دلا دی۔
کین نے برطانوی خبررساں ادارے کو بتایا کہ ہم نے بہترین کھیل پیش کیا لیکن برتری حاصل کرنے کے بعد ہم صرف دفاع کرنے لگے۔ اس سطح پر یہ کافی نہیں ہوتا۔انہوں نے مزید کہا کہ ہم فائنل کے انتہائی قریب پہنچ کر بھی پرانی ناکامی کا شکار ہو گئے۔ ہم مسلسل دروازے پر دستک دے رہے ہیں، لیکن فائنل مرحلے میں کامیابی کے لیے ہمیں ابھی بھی وہ آخری کڑی تلاش کرنی ہے۔
