ہفتہ 18 جولائی 2026 
کراچی: 15 سال کی پرانی دشمنی میں 25 قیمتی جانیں ضائع ہوئیں اور متعدد افراد زخمی ہوئے۔ وزیر داخلہ سندھ ضیالنجار نے کہا ہے کہ لاڑکانہ میں 15 سال کی خونی قبائلی دشمنی کا خاتمہ کرکے سندھ پولیس نےتاریخ رقم کردی۔
صوبائی وزیر داخلہ کے مطابق جیہو اور دھانی قبائل کے ملزمان قانون کے سامنے سرنگوں ہوگئے جب کہ سرنڈر کرنے والے ملزمان میں ہیڈ منی والے اشتہاری بھی شامل ہیں۔دونوں قبائل کے 28 افراد نے ہتھیار ڈال کر خود کو قانون کے حوالے کردیا، تمام ملزمان عدالتوں کا سامنا کریں گے۔
مزید پڑھیں:کالام: گلیشیئر ٹوٹنے سے 7 افراد دب گئے، 6 کو بچالیا گیا، 1کی تلاش جاری
ضیا لنجار نے بتایا کہ 15 سال کی دشمنی میں 25 قیمتی جانیں ضائع ہوئیں اور متعدد افراد زخمی ہوئے، خونی تنازع کے باعث 2 ہزار ایکڑ زرعی زمین ویران اور 3 دیہات اجڑ گئے تھے، لاڑکانہ پولیس کی غیرجانبدار اور بلاامتیاز کارروائی دونوں قبائل کو صلح اور قانون کی راہ پر لے آئی۔
