9 رکنی کوہ پیما ٹیم نے 6050 میٹر بلند مشکل ترین تھلو زوم چوٹی سر کرلی

کوہ پیماؤں نے کمراٹ اور چترال کے دشوار گزار راستوں، گلیشیئرز اور برفانی دراڑوں کو عبور کیا اور9 رکنی کوہ پیما ٹیم نے 6050 میٹر بلندتھلو زوم چوٹی سر کرلی۔ خیبر پختونخوا ٹورازم اتھارٹی

تھلو زوم ہندوکش پہاڑی سلسلے کی مشکل ترین اور کم سر کی جانے والی چوٹیوں میں شامل ہے۔ 8 روزہ دشوارگزار مہم کے بعد کوہ پیماؤں نے تھلو زوم چوٹی پر قومی پرچم لہرا دیا۔

تھلو زوم مہم 9 جولائی کو شروع کی گئی، کوہ پیما ٹیم نے17جولائی کوچوٹی سر کی، کوہ پیماؤں نے کمراٹ اور چترال کے دشوار گزار راستوں، گلیشیئرز اور برفانی دراڑوں کو عبور کیا۔

مزید پڑھیں:سندھ میں ایچ آئی وی کے 4 بڑے آؤٹ بریکس، سیکڑوں بچے متاثر

خیبر پختونخوا ٹورازم اتھارٹی کے مطابق تھلو زوم چوٹی کو پہلی مرتبہ 1971 میں آسٹریلوی جبکہ 2019 میں اطالوی کو پیماؤں نے سر کیا تھا۔