پیر 14 ستمبر 2026 
اسلام آباد ( ملک نجیب ) اسلام آباد ہائیکورٹ(Islamabad High Court) نے 27 ستمبر کے احتجاج کے خلاف دائر درخواست محفوظ فیصلہ سناتے ہوئے ہدایات کے ساتھ نمٹا دی ہے ۔
چیف جسٹس سرفراز ڈوگر کی سربراہی میں تین رکنی لارجر بینچ نے محفوظ فیصلہ سنایا۔ عدالت نے قرار دیا کہ کسی سیاسی جماعت یا پبلک آفس ہولڈر کے پاس اسلام آباد کی سڑکیں بند کرنے کا اختیار نہیں۔ اسلام آباد ہائیکورٹ نے صوبوں کے وزرائے اعلیٰ کو ہدایت کی کہ یقینی بنایا جائے کہ سرکاری مشینری کسی سیاسی جماعت کے احتجاج میں استعمال نہ ہو۔
مزیدپڑھیں:آسٹریلوی کرکٹر کیمرون گرین نے ایملی ریڈوڈ سے شادی کر لی
عدالت نے صوبوں کے چیف سیکرٹریز، چیف کمشنر اسلام آباد اور انسپکٹر جنرلز کو فوری طور پر ہیلپ لائن قائم کرنے کی بھی ہدایت کی ۔ عدالت نے قرار دیا کہ احتجاج اور سیاسی سرگرمیوں کے دوران قانون و نظم اور شہریوں کی آمدورفت متاثر نہیں ہونی چاہیے۔
