ٹرمپ کا کینیڈا کے ساتھ تمام تجارتی مذاکرات ختم کرنے کا اعلان، مذاکرات دوبارہ شروع کرنے کے لیے تیار، کینیڈین وزیراعظم

اوٹاوا/واشنگٹن : کینیڈا کے وزیرِ اعظم مارک کیرنی نے جمعہ کو کہا کہ ان کا ملک امریکی حکومت کے ساتھ تجارتی مذاکرات دوبارہ شروع کرنے کے لیے تیار ہے، “جب امریکی تیار ہوں گے

یہ اعلان اُس وقت سامنے آیا ہے جب امریکی صدر ڈونلڈ ٹرمپ نے کینیڈا کے ساتھ تمام تجارتی مذاکرات فوری طور پر ختم کرنے کا اعلان کیا تھا، جس کی وجہ اونٹاریو صوبے کی طرف سے جاری ایک اشتہار ہے جس میں سابق صدر رونلڈ ریگن  کی آواز استعمال کرتے ہوئے کہا گیا تھا کہ محصولاتی ٹیکس (ٹیرِف) ’’ہر امریکی کو نقصان پہنچاتے ہیں‘‘۔

وزیرِ اعظم کیرنی نے کہا کہ دونوں ممالک کے متعلقہ محکمے سٹیل، ایلومینیم اور توانائی جیسے شعبوں میں “تفصیلی اور تعمیری مذاکرات” پر کام کر رہے ہیں اور کہا کہ “ہم اس پیش رفت کو جاری رکھنے کے لیے تیار کھڑے ہیں

انہوں نے اس موقع پر یہ بھی کہا کہ کینیڈا دیگر معاشی مواقع تلاش کر رہا ہے، بالخصوص ایشیا کی جانب تجارتی روابط مضبوط کرنے کے لیے، تاکہ امریکا پر انحصار کم کیا جا سکے۔

امریکی صدر ٹرمپ نے سوشل میڈیا پر لکھا تھا: ’’ان (کینیڈا) کی ناشائستہ حرکت کی بنیاد پر تمام تجارتی مذاکرات کینیڈا کے ساتھ یہاں ختم کئے جاتے ہیں‘‘۔