ہفتہ 3 اکتوبر 2026 
بالی ووڈ اداکارہ کومل رانی سوارنکر نے سینئر اداکار گووندا کے ساتھ اپنے مبینہ تعلقات اور کردار پر اٹھنے والے سوالات کا واضح جواب دیدیا۔
بھارتی میڈیا رپورٹ کے مطابق کومل رانی سوارنکر نے طویل سوشل میڈیا پوسٹ کی اور ان کے گووندا کے ساتھ مبینہ تعلقات کی قیاس آرائیوں کا جواب دیا۔
اداکارہ نے واضح کیا کہ گووندا کے ساتھ ان کی حالیہ مصروفیات اور عوامی اجتماعات میں شرکت صرف فلم ’روپا‘ کے پروموشن کا حصہ ہیں۔
انہوں نے مزید کہا کہ گووندا کے ساتھ میری مصروفیت کا مطلب رومانی افیئر نہیں ہے، وہ اور سینئر اداکار آئندہ بھی ایک ساتھ کام کرتے رہیں گے۔
کومل رانی سوارنکر نے انڈسٹری کے اُن فنکاروں اور اداکاروں کو آڑے ہاتھوں لیا جو قومی اہمیت کے سنگین مسائل پر تو خاموش رہتے ہیں لیکن دوسروں کی ذاتی زندگی پر تنقید کرکے خود کو خبروں میں ان رکھتے ہیں۔
مزید پڑھیں:راولپنڈی اور اسلام آباد، ایک ملک میں طاقت کے دو مراکز کیسے ہوسکتے ہیں؟ سعد رفیق
اداکارہ نے دوٹوک انداز میں کہا کہ اگر کسی کو میرے گووندا کے ساتھ کام کرنے سے تکلیف ہوتی ہے تو انہیں جلنے دیا جائے، ناقد فنکاروں و اداکاروں کا کیریئر ٹھنڈا پڑچکا ہے۔
