اتوار 4 اکتوبر 2026 
پاکستانی اداکارہ و میزبان ندا یاسر (Nida Yasir)نے لڑکیوں اور خواتین کو ہر بار نئے کپڑے خریدنے کے بجائے انہیں دوبارہ اسٹائل میں بنوانے کا مشورہ دیا ہے۔
سوشل میڈیا پر ایک ویڈیو وائرل ہو رہی ہے جس میں اداکارہ نے خواتین کو کپڑوں سے متعلق اہم مشورہ دیا ہے۔
ندا یاسر نے اپنی ویڈیو میں کہا کہ تقریبات میں ضروری نہیں ہے آپ اپنے والدین کو یا اپنے شوہر کو نئے جوڑے کیلئے تنگ کریں، کبھی کبھی نیا جوڑا لے سکتے ہیں لیکن ہار بار نیا جوڑا خریدنا ضروری نہیں ہوتا۔
انہوں نے مزید کہا کہ الماریوں میں رکھے ہوئے کپڑوں کو پہن لینا چاہیے، لوگ ایک بار جوڑا پہننے کے بعد اسے دوبارہ نہیں پہنتے، لوگ سوچتے ہیں کہ نیا سوٹ پہن کر سوشل میڈیا پر تصویر لگا دی ہے اب وہ کپڑے دوبارہ نہیں پہن سکتے لیکن اب وہ زمانہ نہیں ہے۔
View this post on Instagram
ان کا کہنا تھا کہ اگر پرانے کپڑوں کو دوبارہ نہیں پہن سکتے تو ان ہی کپڑوں کو نئے اسٹائل میں بنوا لیں، کچھ لوگ کفایت شعار ہوتے ہیں، جو مجھے بہت پسند ہیں۔
اداکارہ نے اپنی مثال دیتے ہوئے بتایا کہ میری شادی کو 25 سال ہونے والے ہیں، شادی کے بعد فرنیچر لیا تھا، اس فرنیچر کی لکڑی بہت اچھی اور مضبوط تھی، میں اسی فرنیچر کو بار بار نئے ڈیزائن میں بنوا لیتی ہوں۔
