بدھ 7 اکتوبر 2026 
الیکشن کمیشن کے سربراہ اور2 ارکان کی تقرری پر حکومت اور اپوزیشن کے درمیان مشاورت کا معاملہ تعطل کا شکار ہوگیا، حکومتی رابطے کے باوجود وزیراعظم سے اپوزیشن لیڈر محمود اچکزئی کے ملاقات نہ ہوسکی۔
اپوزیشن لیڈر نے وزیراعظم سے ملاقات سے قبل بانی پی ٹی آئی سے مشاورت کی شرط رکھ دی ہے جسے حکومت نے مسترد کردیا۔کسی سزا یافتہ شخص کا آئینی معاملات میں فیصلہ سازی کے حوالے سے کوئی کردار نہیں: حکومت کا موقف
ذرائع کے مطابق وزیراعظم اور اپوزیشن لیڈر محمود اچکزئی کی ملاقات کھٹائی میں پڑگئی کیونکہ حکومت نے آئینی معاملات پر بانی پی ٹی آئی سے ملاقات کا مطالبہ مسترد کردیا ۔
حکومت کا موقف ہے کسی سزا یافتہ شخص کا آئینی معاملات میں فیصلہ سازی کے حوالے سے کوئی کردار نہیں ۔ آئینی معاملات پر مشاورت صرف وزیراعظم اور اپوزیشن لیڈر کے درمیان ہوسکتی ہے۔
مزید پڑھیں:پاک بحریہ کی کارروائی، کشتیوں کے خفیہ خانوں سے 96 ملین ڈالر کی منشیات برآمد
وزیراعظم چیف الیکشن کمشنر اور الیکشن کمیشن کے دو اراکین کی تقرری کے معاملے پر اپوزیشن لیڈر کو دو خطوط بھی لکھ چکے ہیں ۔ ذرائع کا دعویٰ ہے محمود اچکزئی پارلیمنٹ اور وزیراعظم آفس میں ملاقات سے بھی گریز کررہے ہیں۔ اپوزیشن لیڈر کا موجودہ رویہ آئینی معاملات پر مشاورت اور پیش رفت میں رکاوٹ بن رہا ہے۔
