منگل 27 اکتوبر 2026 
تین ملکی ون ڈے سیریز کے پانچویں میچ میں سری لنکا کے خلاف پاکستان کی بیٹنگ لائن لڑکھڑا گئی۔ قومی ٹیم110رنز بناکر آئوٹ ہوگئی۔ دونوں ٹیمیں قذافی اسٹیڈیم لاہور میں اس وقت مدمقابل ہیں، جہاں سری لنکا نے ٹاس جیت کر پہلے فیلڈنگ کرنے کا فیصلہ کیا۔
قومی ٹیم کے اوپنر فخر زمان 5 رنز، معاذ صداقت 8 رنز، سعد بیگ 5 رنز, بابراعظم 29، سلمان آغا 9 رنز جبکہ شاداب خان صرف 2 رنز بنا کر پویلین لوٹ گئے۔
میچ میں کامیابی سری لنکا کو فائنل میں پہنچا دے گی، جبکہ پاکستان کی ٹیم پہلے ہی فائنل کے لیے کوالیفائی کر چکی ہے۔
ٹاس کے موقع پر گفتگو کرتے ہوئے قومی ٹیم کے کپتان شاہین شاہ آفریدی نے کہا کہ ہم ٹاس جیتتے تو بولنگ ہی کرتے، دوسری اننگز میں اوس ہوتی ہے۔
ان کا کہنا تھا کہ ٹیم میں 2 تبدیلیاں کی ہیں، صائم ایوب اور رضا اللہ کی جگہ معاذ صداقت اور نسیم شاہ کو شامل کیا گیا ہے۔
Two changes to our playing XI for today’s match 🇵🇰🏏#PAKvSL | #CricketKaJashan | #BackTheBoysInGreen pic.twitter.com/Fxk7JJ45jV
— Pakistan Cricket (@TheRealPCB) October 27, 2026
تین ملکی سیریز کے اس اہم مقابلے میں سری لنکا کی ٹیم فائنل میں جگہ بنانے کے لیے میدان میں اتری ہے، جبکہ گرین شرٹس کی نظریں سیریز میں اپنی کارکردگی کو مزید بہتر بنانے پر ہوں گی۔
🚨 TOSS ALERT 🚨
Sri Lanka win the toss and opt to field first 🏏#PAKvSL | #CricketKaJashan | #BackTheBoysInGreen pic.twitter.com/Xv3o4Rqvcz
— Pakistan Cricket (@TheRealPCB) October 27, 2026
خیال رہے اس سے قبل سہ ملکی ون ڈے سیریز کے چوتھے میچ میں شاداب خان کی شاندار سنچری کی بدولت پاکستان نے سنسنی خیز مقابلے کے بعد انگلینڈ کو ایک وکٹ سے شکست دے کر سیریز کے فائنل میں جگہ بنائی تھی۔
اتوار کے روز لاہور کے قذافی اسٹیڈیم میں کھیلے گئے سہ ملکی ون ڈے سیریز کے چوتھے میچ میں پاکستان کی دعوت پر پہلے بیٹنگ کرتے ہوئے انگلینڈ کی ٹیم 47 ویں اوورز میں 241 رنز بناکر آؤٹ ہوگئی تھی تاہم 242 رنز کا ہدف پاکستان نے 48 ویں اوورز میں 9 وکٹوں کے نقصان پر پورا کرلیا تھا۔
