بدھ 11 نومبر 2026 
راولپنڈی میں قتل ہونے والی اینکر پرسن ربیعہ احسن کے زیر حراست ملزم احسن کا لاہور فرانزک لیب میں پولی گرافک ٹیسٹ مکمل کرلیا گیا۔
پولیس ذرائع کے مطابق لاہور فرانزک لیب میں ملزم کا پولی گرافک ٹیسٹ ایک گھنٹے سے زائد دورانیے پر مشتمل تھا اور ٹیسٹ کے دوران ملزم کے بلڈ پریشر، دل کی دھڑکن، نبض اور مختلف حرکات مشاہدہ کیا گیا۔
ذرائع نے بتایا کہ ماہرین نے ٹیسٹ کے دوران ملزم سے وقوع کے روز پیش آنے والے مختلف پہلوؤں پر سوالات کیے۔
پولیس ذرائع کا کہنا تھا کہ ٹیسٹ مکمل ہونے پر ممکنہ طور پر کچھ دیر بعد ملزم احسن کو واپس راولپنڈی منتقل کیا جائے گا۔
مزید پڑھیں:فیفا صدرات کا نیا امیدوار، سالانہ صرف 1 ڈالر تنخواہ لینے کا اعلان
پولیس ذرائع کے مطابق ملزم احسن کے پولی گرافک ٹیسٹ کی رپورٹ 3 دن بعد ملے گی اور پولی گرافک ٹیسٹ کی رپورٹ ماہرین لکھیں گے۔
