لاہور، فلم انڈسٹری کے فروغ کیلئے پنجاب فلم سٹی اتھارٹی کے قیام کا فیصلہ، بل پیش

لاہور: پنجاب حکومت نے فلم انڈسٹری کے فروغ کےلیے پنجاب فلم سٹی اتھارٹی تشکیل دینے کا فیصلہ کرلیا۔ پنجاب اسمبلی میں پنجاب فلم سٹی اتھارٹی ایکٹ 2025(film city authority) پیش کردیا گیا جس کے تحت فلم سازی، ڈرامہ، ڈاکیومنٹری کی سرپرستی کی جائے گی۔

بل کے تحت اتھارٹی کو اخراجات کے لیے حکومت پنجاب فنڈ کرے گی، نئی فلم پالیسی، قواعد و ضوابط اور لائسنسنگ کا جامع نظام متعارف ہوگا جب کہ فلم سازوں کو سہولیات، اجازت ناموں اور ون ونڈو آپریشن کی سہولت ملے گی۔

بل کے مطابق مقامی اور غیر ملکی سرمایہ کاری کے فروغ کے لیے خصوصی مراعات دی جائیں گی،پنجاب کی ثقافت، سیاحت اور مثبت تشخص کو فلم کے ذریعے اجاگر کیا جائے گا۔

مزید پڑھیں:پنجاب کابینہ، ڈومیسائل فیس میں 175فیصد اضافے کی منظوری دیدی

بل 2 ماہ کے لیے متعلقہ کمیٹی کے حوالے کیا گیا ہے اورکمیٹی 2 ماہ میں رپورٹ پیش کرے گی۔کمیٹی کی منظوری کے بعد بل پنجاب اسمبلی سے منظور کروایا جائے گا۔