چین میں کوئلے کی کان میں خوفناک دھماکا، 82 افراد ہلاک

چین میں کوئلے کی کان میں ہونے والے خوفناک دھماکے میں کم از کم 82 افراد ہلاک ہو گئے ہیں جبکہ متعدد افراد کے لاپتہ ہونے کی اطلاعات بھی سامنے آئی ہیں۔

غیر ملکی میڈیا کے مطابق یہ حادثہ چین کے شہر چینگ زی کی لیوشین یو کوئلہ کان میں پیش آیا جہاں گزشتہ شام گیس بھر جانے کے باعث زور دار دھماکا ہوا۔ ابتدائی طور پر 8 ہلاکتوں کی اطلاع ملی تھی تاہم بعد میں چینی حکام نے تصدیق کی کہ اموات کی تعداد بڑھ کر 82 تک پہنچ گئی ہے۔

مزیدپڑھیں:آئی پی ایل 2026 میں کوہلی اور ٹریوس ہیڈ کے درمیان گرما گرمی، نیا تنازع سامنے آ گیا

واقعے کے بعد امدادی ٹیمیں فوری طور پر جائے وقوعہ پر پہنچیں اور ملبے تلے دبے افراد کی تلاش کا عمل شروع کیا گیا۔ حکام کے مطابق متعدد کان کن اب بھی لاپتہ ہیں جن کی تلاش کیلئے ریسکیو آپریشن جاری ہے۔

چینی حکام نے واقعے کی باقاعدہ تحقیقات کا آغاز کر دیا ہے اور کہا ہے کہ حادثے کے ذمہ داروں کے خلاف سخت کارروائی عمل میں لائی جائے گی۔