منگل 30 جون 2026 
اقوامِ متحدہ کے سیکریٹری جنرل انتونیو گوتیرس نے کہا ہے کہ غزہ کی پٹی (Ghaza Strip)میں جنگ بندی کے آغاز سے اسرائیلی فوجی حملوں میں 1 ہزار فلسطینی شہید ہوچکے ہیں۔
عرب میڈیا کی رپورٹ کے مطابق نیو یارک سے اپنے بیان میں اقوامِ متحدہ کے سیکریٹری جنرل نے کہا کہ غزہ میں زندگی کے حالات انتہائی سنگین ہیں۔ عوام نہ پھٹنے والے بارود، وبائی امراض اور بڑے پیمانے پر نقل مکانی کے سائے میں زندگی گزار رہے ہیں۔
انتونیو گوتیرس نے کہا کہ مغربی کنارے کے فلسطینیوں کو آبادکاروں کے جاری تشدد، آبادکاری میں توسیع اور الحاق کے بڑھتے ہوئے خطرے کا سامنا ہے۔
عالمی ادارہ کے سربراہ نے مزید کہا کہ مغربی کنارے کی زمینوں کا ناجائز الحاق بین الاقوامی قوانین کی کھلی خلاف ورزی تصور کیا جائے گا۔
مزیدپڑھیں:کالعدم ایکشن کمیٹی کے مرکزی رہنما شوکت نواز میر ساتھی سمیت گرفتار، خفیہ مقام منتقل
اقوامِ متحدہ کے سیکریٹری جنرل نے کہا کہ مشرقی بیت المقدس میں انروا امدادی ایجنسی کے دفتر پر قبضہ غیرقانونی اور ناقابل قبول عمل ہے۔
