جمعرات 2 جولائی 2026 
چین (china)کے جنوب مغربی علاقے چونگ چنگ میں واقع لیننگ کلف روڈ اپنی منفرد تعمیر، خطرناک راستے اور دلکش مناظر کی وجہ سے دنیا کی خطرناک اور قابل ذکر پہاڑی سڑکوں میں شامل ہوتا ہے۔
اس خطرناک سڑک کی دلچسپ بات یہ ہے کہ اسے ہاتھ سے کھدائی کر کے بنایا گیا ہے اور یہ سطح سمندر سے 3 ہزار فٹ کی بلندی پر واقع ہے۔ اسی لیے اس سڑک کو مقامی کمیونٹی کے عزم، محنت اور حوصلے کی ایک لازوال مثال کے طور پر جانا جاتا ہے۔
2001ء میں 23 گھرانوں پر مشتمل لیننگ کا چھوٹا سا گاؤں جہاں کے لوگوں کا دشوار پہاڑی راستے کی وجہ سے باہر کی دنیا سے رابطہ بہت مشکل تھا، انہوں نے پہاڑ کے کنارے ایک سڑک بنانے کا فیصلہ کیا تاکہ گاڑیوں کو گاؤں تک پہنچنے میں آسانی ہو۔
View this post on Instagram
گاؤں کے لوگوں نے سڑک بنانے کا فیصلہ تو کر لیا لیکن راستہ بہت دشوار تھا اس لیے سڑک کی تعمیر کے لیے مشینری اس مقام تک نہیں پہنچ سکی، اس لیے پھر پورے راستے کو 1.2 کلومیٹر کے مختلف حصوں میں تقسیم کیا گیا اور گاؤں کے ہر گھر کے ذمے 1.2 کلومیٹر سڑک کی کھدائی کا کام لگایا گیا۔
مزیدپڑھیں:ملک میں سونے کی قیمتوں میں اچانک بڑا اضافہ
اس وقت گاؤں کے تقریباً 80 رہائشیوں کے پاس جدید آلات خریدنے کے لیے وسائل کی کمی تھی، اس وجہ سے زیادہ تر سڑک کو لوہے کے چھینیوں اور ہتھوڑوں کی مدد ہاتھ سے کھدائی کر کے بنایا گیا۔
