انگلینڈ کو ہالینڈ کی سپلائی لائنیں کاٹنی ہوں گی، مورگن روجرز کا مشورہ

ورلڈ کپ کوارٹر فائنل میں انگلینڈ(england) اور سیمی فائنل کے درمیان دنیا کے خطرناک ترین اسٹرائیکر ارلنگ ہالینڈ حائل ہیں، جو ٹورنامنٹ میں اب تک 7 گول کر چکے ہیں۔

مڈفیلڈر مورگن روجرز نے ہالینڈ کو روکنے کے سوال پر ہنستے ہوئے کہا کیا کسی نے انہیں کبھی روکا ہے؟ ہم کوشش کریں گے۔ وہ اتنے خطرناک ہیں کہ ہمیں ان تک گیند کی رسائی کو روکنا ہوگا۔روجرز نے آرسنل کے مارٹن اوڈیگارڈ کو بھی ایک بڑا خطرہ قرار دیا۔

مزیدپڑھیں:ارجنٹائن فٹبال ایسوسی ایشن کے 300 ملین ڈالر سے زائد مالی معاملات ایف بی آئی کی تحقیقات کی زد میں، ورلڈ کپ کے دوران نیا تنازع سامنے آ گیا

میکسیکو کے خلاف 10 کھلاڑیوں کے ساتھ سنسنی خیز فتح کے بعد انگلش ٹیم تھکن کا شکار ہے لیکن تھامس ٹوچل کی زیرِ نگرانی وہ اگلے چیلنج کے لیے پرعزم ہیں۔ ٹیم کے لیے خوش آئند بات زخمی مڈفیلڈر جارڈن ہینڈرسن کی واپسی ہے، جنہیں روجرز نے اسکواڈ کی دھڑکن قرار دیا۔ دوسری طرف انگلش مداحوں میں میچز کے بعد اویسس کا گانا گانے کی نئی روایت بھی زور پکڑ رہی ہے۔