پیر 13 جولائی 2026 
وزیراعظم محمد شہباز شریف(Shehbaz Sharif) نے یوم شہدائے کشمیر کے موقع پر 13 جولائی 1931 کو شہید ہونے والے 22 کشمیری شہداء کو خراجِ عقیدت پیش کیا۔ اپنے پیغام میں انہوں نے کہا کہ ان شہداء کی قربانیاں کشمیری عوام کی جدوجہدِ آزادی کا ایک تابناک باب ہیں اور یہ دن عزم، بہادری اور ثابت قدمی کی علامت کے طور پر منایا جاتا ہے۔
وزیراعظم نے کہا کہ کشمیری عوام آج بھی حقِ خودارادیت کے حصول کے لیے اپنی جدوجہد جاری رکھے ہوئے ہیں۔
مزیدپڑھیں:ایران کے شہر بندر عباس کے مغرب میں کئی دھماکوں کی آوازیں سنی گئیں، ایرانی میڈیا
انہوں نے بھارت کے زیرِ انتظام مقبوضہ کشمیر میں انسانی حقوق کی مسلسل خلاف ورزیوں پر تشویش کا اظہار کیا اور واضح کیا کہ پاکستان کشمیری عوام کو سیاسی، سفارتی اور اخلاقی سطح پر اپنی حمایت جاری رکھے گا۔ وزیراعظم نے کشمیری عوام سے مکمل یکجہتی کا اعادہ کرتے ہوئے کہا کہ حکومتِ پاکستان جموں و کشمیر کے شہداء کی عظیم قربانیوں کو سلام پیش کرتی ہے۔
