منگل 14 جولائی 2026 
آزاد کشمیرانتخابات کے سلسلے میں مسلم لیگ (ن) نے انتخابی سرگرمیاں تیز کر دیں، میاں محمد نواز شریف کے دورہ آزاد کشمیر کا شیڈول طے کرلیا گیا ہے ۔
پارٹی ذرائع کے مطابق صدر مسلم لیگ ن میاں نواز شریف 19جولائی کو میرپور میں بڑے انتخابی جلسہ عام سے خطاب کریں گے ۔
مسلم لیگ ن کی مرکزی قیادت بھی میرپور کے انتخابی جلسے میں شرکت کرے گی ۔ دورۂ میرپور کے دوران میاں نواز شریف پارٹی کے ٹکٹ ہولڈرز سے ملاقاتیں اور مشاورت کریں گے،۔
مزید پڑھیں:پاسپورٹ پر جعلی امیگریشن اسٹمپس، سیکنڈری پروفائلنگ، مسافر آف لوڈ
دورے کے دوران مسلم لیگ ن آزاد کشمیر کی انتخابی حکمتِ عملی کو بھی حتمی شکل دی جائے گی، مسلم لیگ ن کے تمام ٹکٹ ہولڈرز انیس جولائی کو میرپور میں ہونے والے انتخابی جلسے میں شرکت کریں گے، میاں نواز شریف تمام پارٹی ٹکٹ ہولڈرز سے الگ الگ ملاقاتیں بھی کریں گے ۔
