ایران سے بات چیت جاری ہے، جنگ جلد ختم ہوجائے گی، صدر ٹرمپ کا دعویٰ

امریکی صدر ڈونلڈ ٹرمپ(Donald Trump) نے امید ظاہر کی ہے کہ ایران کے خلاف جاری جنگ جلد اپنے اختتام کو پہنچ جائے گی۔ انہوں نے کہا کہ ان کے خیال میں ایران زیادہ عرصے تک جنگ جاری رکھنے کی پوزیشن میں نہیں ہے، جبکہ اس موقع پر امریکی مسلح افواج کو ہتھیاروں اور گولہ بارود کی فراہمی میں درپیش مشکلات کا بھی اعتراف کیا۔

امریکی صدر ڈونلڈ ٹرمپ نے کہا ہے کہ انہیں امید ہے ایران کے خلاف جاری جنگ جلد ختم ہو جائے گی۔

اوول آفس میں صحافیوں سے گفتگو کرتے ہوئے صدر ٹرمپ نے کہا کہ انہیں نہیں لگتا کہ ایران زیادہ دیر تک یہ جنگ جاری رکھ سکے گا۔

انہوں نے کہا کہ موجودہ صورتحال کو دیکھتے ہوئے وہ پُرامید ہیں کہ جنگ کا خاتمہ جلد ممکن ہو جائے گا۔

صدر ٹرمپ نے اس موقع پر امریکی مسلح افواج کو ہتھیاروں اور گولہ بارود کی فراہمی کے حوالے سے درپیش مشکلات کا بھی اعتراف کیا۔

مزیدپڑھیں:13سالہ ماں ، 7ماہ کا بیٹا:بنگلا دیشی عدالت نے بڑا حکم جاری کر دیا

انہوں نے کہا کہ امریکی دفاعی کمپنیاں اس کمی کو پورا کرنے کے لیے ہتھیاروں کی پیداوار میں اضافہ کر رہی ہیں اور اس مقصد کے لیے مزید پیداواری پلانٹس قائم کیے جا رہے ہیں۔

صدر ٹرمپ کے مطابق ان نئے منصوبوں میں پیٹریاٹ اور ٹوماہاک میزائلوں کی تیاری کی صلاحیت میں اضافہ بھی شامل ہے۔

انہوں نے کہا کہ دفاعی پیداوار بڑھانے کے اقدامات کا مقصد امریکی افواج کی ضروریات پوری کرنا اور مستقبل کے تقاضوں کے مطابق دفاعی استعداد کو مزید مضبوط بنانا ہے۔