پیر 24 اگست 2026 
پشین کے علاقے سرانان کے قریب سلیمانزئی میں مسلح دہشتگردوں نے اینٹوں کے بھٹے پر کام کرنے والے مزدوروں پر فائرنگ کردی، جس کے نتیجے میں پنجاب سے تعلق رکھنے والے 4 مزدور جاں بحق جبکہ ایک زخمی ہوگیا۔
پولیس کے مطابق دہشتگردوں نے پانچ مزدوروں کو نشانہ بنایا اور فائرنگ کے بعد فرار ہوگئے۔پولیس کا کہنا ہے کہ جاں بحق اور زخمی مزدوروں کو ابتدائی طور پر قریبی ہسپتال منتقل کیا گیا، بعد ازاں لاشوں اور زخمی کو کوئٹہ منتقل کردیا گیا۔
مزید پڑھیں:ٹرمپ کا فیلڈ مارشل کو فون، مذاکرات کیلئے اثر و رسوخ کے استعمال کی درخواست: رائٹرز
ایس ایچ او سرانان کے مطابق مقتولین کا تعلق پنجاب سے بتایا جارہا ہے۔واقعے کی اطلاع ملتے ہی سیکیورٹی فورسز کی بھاری نفری موقع پر پہنچ گئی جبکہ علاقے میں دہشتگردوں کی تلاش کے لیے سرچ آپریشن جاری ہے۔
